كــــرص هــشــيــش ورطـب بحـال القـطـن :

من طرف ام معاد الآثرية الأحد يوليو 13, 2014 7:32 pm

كرص هشيش ورطب بحال القطن :

كاس صغير سنيدة
نص كاس صغير زيت
واحد فاني
واحد خمارة حلوى
70g الزبدة
4 معالق كبار عامرين خميرة الخبز(وملي إبدا إسخن الحال نقصو منها)
معلقة صغيرة الملحة
بيضة
نص إترو حليب
تقريبا كيلو فورص
شوية نافع

أول حاجة تنسخنو الحليب و نخليوه إدفا ، تنخلطو السنيدة + الزيت+الملح+ الفاني و الخمارة + الزبدة+ الخميرة +البيضة ، نخلطو كلشي عاد نزيدو داك الحليب نحركو مزيان ، أ نباو نجمعو بالفورص خاص العجينة تكون خفيفة أ كتلصق فاليد. ندهنو كوكوط و نحطو فيها الخليط و نسدو بالصفارة حتى تخمر. ملي خمرات ندهنو يدينا وندرو كريصات صغار و نخليوهم يخمرو مرة أخرى

ملي يخمرو دهنيهم بصفار بيضة مع شوية الحليب +نيسكافي و دخليهم الفرن الكرص تيجي رطب و منفوخ